Azərbaycan müstəqillik əldə etdikdən sonra dövlətin qarşısında duran əsas vəzifələrdən biri də xarici ölkələrdə yaşayan azərbaycanlıların təşkilatlanması, onların ölkəmizin ümumi maraqlarının müdafiəsi işinə cəlb edilməsi olmuşdur. Dünyanın müxtəlif ölkələrində yaşayan soydaşlarımızın və həmvətənlərimizin müstəqil Azərbaycan Respublikası ilə əlaqələrinin daha da möhkəmləndirilməsi, onlar arasında birliyin və həmrəyliyin təmin olunması, habelə Azərbaycan icmaları, cəmiyyət və birliklərin fəaliyyətinin gücləndirilməsi və əlaqələndirilməsi dövlətimizin əsas priorotetlərindən hesab olunur. Dünya Azərbaycanlılarının Mədəniyyət Mərkəzinin də əsas fəaliyyət sahəsi Azərbaycan reallıqlarını, mədəniyyətini, tolerantlığını, dövlət quruculuğunu və s. dünya ictimaiyyətinə çatdırmaq və Azərbaycanın ümumi maraqlarını müdafiə etməkdən ibarətdir.